ગઝલ / હેમંત ગોહિલ "મર્મર "
નવ્ય નથી : કેદુના છે ભૈ ,
ઘાવ ઘણાયે જૂના છે ભૈ .
ઝાડ ભલે લોઢાનું રાખ્યું ,
ડાળે પંખી રૂ ના છે ભૈ .
જાત નદી એની ધારું તો ,
આંખો ઊંડા ઘૂના છે ભૈ .
બાદ કરી જો તારાં માંથી ,
કારણ સઘળાં 'હું ' ના છે ભૈ .
પાંપણની અભરાઈ અડો મા,
આંસુ ઊના ઊના છે ભૈ .
એથી એ રંગીન પડે છે ,
પડછાયા પ્રભુના છે ભૈ .
એ ઉનાળો થૈને આવ્યાં ,
આંખે તોરણ લૂ ના છે ભૈ .
રોજ હાજી વાગે છે બંસી ,
પનઘટ ના કંઈ સૂના છે ભૈ .
દોષિત દિલને ગણવાનું છે ,
આંખોના જે ગૂના છે ભૈ .
ફૂલોને સમજાવો જઈને ,
ઘાવ બધાં ખૂશ્બૂ ના છે ભૈ.
નવ્ય નથી : કેદુના છે ભૈ ,
ઘાવ ઘણાયે જૂના છે ભૈ .
ઝાડ ભલે લોઢાનું રાખ્યું ,
ડાળે પંખી રૂ ના છે ભૈ .
જાત નદી એની ધારું તો ,
આંખો ઊંડા ઘૂના છે ભૈ .
બાદ કરી જો તારાં માંથી ,
કારણ સઘળાં 'હું ' ના છે ભૈ .
પાંપણની અભરાઈ અડો મા,
આંસુ ઊના ઊના છે ભૈ .
એથી એ રંગીન પડે છે ,
પડછાયા પ્રભુના છે ભૈ .
એ ઉનાળો થૈને આવ્યાં ,
આંખે તોરણ લૂ ના છે ભૈ .
રોજ હાજી વાગે છે બંસી ,
પનઘટ ના કંઈ સૂના છે ભૈ .
દોષિત દિલને ગણવાનું છે ,
આંખોના જે ગૂના છે ભૈ .
ફૂલોને સમજાવો જઈને ,
ઘાવ બધાં ખૂશ્બૂ ના છે ભૈ.