Thursday 14 January 2016

ગઝલ

ગઝલ / હેમંત ગોહિલ "મર્મર "

નવ્ય નથી : કેદુના છે ભૈ ,
ઘાવ ઘણાયે જૂના છે ભૈ .

ઝાડ ભલે લોઢાનું રાખ્યું ,
ડાળે પંખી રૂ ના છે ભૈ .

જાત નદી એની ધારું તો ,
આંખો ઊંડા ઘૂના છે ભૈ .

બાદ કરી જો તારાં માંથી ,
કારણ સઘળાં 'હું ' ના છે ભૈ .

પાંપણની અભરાઈ અડો મા,
આંસુ ઊના ઊના છે ભૈ .

એથી એ રંગીન પડે છે ,
પડછાયા પ્રભુના છે ભૈ .

એ ઉનાળો થૈને આવ્યાં ,
આંખે તોરણ લૂ ના છે ભૈ .

રોજ હાજી વાગે છે બંસી ,
પનઘટ ના કંઈ સૂના છે ભૈ .

દોષિત દિલને ગણવાનું છે ,
આંખોના જે ગૂના છે ભૈ .

ફૂલોને સમજાવો જઈને ,
ઘાવ બધાં ખૂશ્બૂ ના છે ભૈ.

Saturday 28 November 2015

[: ટચૂકડી જાહેરખબર [બીજો પ્રયત્ન ]
- હેમંત ગોહિલ 'મર્મર'

🌱 ૧. ખોવાયેલ છે.
માળાથી તમારા ઘર સુધીના રસ્તામાં પંખીનું ટહુકા ભરેલું પર્સ ખોવાયેલ છે, સાથે કંઠનું લાઇસન્સ પણ છે. શોધી આપનારને યોગ્ય બદલો આપવામાં આવશે.
🌼 ૨. વેચવાનો છે.
પોશ વિસ્તારમાં આવેલા એક ઝાડને ૧૦૦ ચો.વાર છાંયડો વેચવાનો છે. સૌને પોષાય એવા ભાવે, ટાઇટલ ક્લીયર, દલાલોએ તસ્દી ન લેવી. દતક આપવામાં આવશે.
🌱 ૩. ભાડે આપવાની છે.
એક છોડને બીજા માળે એક ડાળી ફૂલો ખીલવવા ભાડે આપવાની છે. જ્ઞાતિબંધુઓને અગ્રીમતા આપવામાં આવશે.
🌼 ૪. મોકાનો પ્લોટ વેચવાનો છે.
છાતીની સહેજ ડાબી બાજુએ આવેલો મોકાનો પ્લોટ વેચવાનો છે, રમણીય પાર્ક બની શકે તેવા આ પ્લોટ માટે અજાણી વ્યક્તિએ પૂછપરછ કરવી નહિ.
🌱 ૫. ઈમલો વેચવાનો છે.
વર્ષો જૂના સપનાનો કાટમાળ વેચવાનો છે, વહેલા તે પહેલાના ધોરણે.
🌼 ૬. લગ્ન વિષયક.
ઉંમર જેટલી ઉંચી, દેખાવમાં હવા જેવી પાતળી, દરરોજના ઢગલાબંધ આંસુ કમાતી પીડાને ખમતીધર યુવક જોઈએ છે. જ્ઞાતિબાધ નથી.
🌱 ૭. જોઈએ છે.
વયોવૃદ્ધ, અશક્ત અને દિવસથી ત્યજાયેલી સાંજને સાચવી શકે તેવી પીઢ ઉંમરની આયા જોઈએ છે.
🌼 ૮. દત્તક જોઈએ છે.
શબ્દથી સમૃદ્ધ એવા શહેરના એક પ્રતિષ્ઠિત કવિને એક કવિતા દત્તક લેવાની છે, ઇચ્છુક વાલીઓએ કવિતાના ફોટા સાથે રૂબરૂ મળવું...
🌸🌸🌸🌸
( ઘણા વોટ્સ એપ ગ્રુપમાં નામ વગર ફરતી જોઈ
તેથી મુકવાનું મન થયું)

Thursday 26 November 2015

હેમંત ગોહિલ "મર્મર" ની ગુજરાતી કવિતાઓ

http://www.gujaratipride.com/ebook-display/1122/

હેમંત ગોહિલ "મર્મર" ની ગુજરાતી કવિતાઓ

હેમંત ગોહિલ "મર્મર" ની ગુજરાતી કવિતાઓhttp://www.gujaratipride.com/ebook-display/1122/

હેમંત ગોહિલ "મર્મર" ની ગુજરાતી કવિતાઓ

હેમંત ગોહિલ "મર્મર" ની ગુજરાતી કવિતાઓhttp://www.gujaratipride.com/ebook-display/1032/
http://www.gujaratipride.com/ebook-display/1032/


વાર્તા : શ્વેત ડાઘ 

સમયના આવરણ નીચે દબાઈને પાંગરેલી પ્રણયની પરાકાષ્ઠા સુધી લંબાતી પ્રેમ ગાથા 
હું વાંચું છું, "Emergency Call ૧૦૮", http://wwwhttp://www.gujaratipride.com/ebook-display/1122/.gujaratipride.com/ebook-display/1122/
લેખક- હેમંત ગોહિલ
ગુજરાતી પ્રાઈડ ઈ-બુક એન્ડરોઈડ એપ્લીકેશન પર. 
‪#‎GujaratiPride‬
અણધાર્યો પરંતું સુખદ અંતમાં પિરણમતી પ્રણયગાથા..